У Літве ўводзіцца пошліна за прыём замежнікаў на працу
З 1 жніўня працадаўцы, якія жадаюць прыняць на працу іншаземцаў, будуць плаціць пошліну за пасрэдніцкія лісты аб выдачы або замене віду на жыхарства або нацыянальнай візы, паведамляе Дэпартамент міграцыі Літвы.
28.07.2024 / 09:37
Заплаціць давядзецца і за просьбу аб дазволе змяніць працадаўцу. Памер пошліны складзе 50 еўра за кожную запоўненую форму.
Ад платы вызваляць замежнікаў, якія прыязджаюць у Літву для працы выкладчыкамі ці даследнікамі, а таксама на вучобу па зацверджаных у Літве праграмах. Апроч гэтага, ад выплаты пошліны вызваленыя прафесійныя спартоўцы, дзеячы культуры, журналісты, валанцёры і людзі, якія займаюцца рэлігійнай дзейнасцю.
Стала вядома імя і загулы расійскага «шэф-кухара», які быў насамрэч агентам
Беларусь адкрывае сёмы дзясятак краін у візавым рэйтынгу пашпартоў
МЗС Польшчы абвяргае інфармацыю аб забароне на ўезд для беларускіх аўтамабіляў — Вячорка