Zialenski: Ukraina padrychtuje mirny płan da kanca listapada
U intervju japonskamu telekanału NHK Uładzimir Zialenski raspavioŭ pra pierśpiektyvy spynieńnia vajny i stasunki z byłym prezidentam ZŠA Donaldam Trampam.
28.07.2024 / 19:33
Zialenski zajaviŭ, što raspracuje płan dziejańniaŭ pa dasiahnieńni miru da kanca listapada. Skryn videa telekanała NHK
Zialenski padkreśliŭ, što jon nie moža adkazvać na zakliki da spynieńnia ahniu, pakul Rasija praciahvaje akupavać ukrainskuju terytoryju.
Prezident Ukrainy zajaviŭ, što raspracuje płan dziejańniaŭ pa dasiahnieńni miru da kanca listapada.
«Ciarpieńnie, padtrymka i dypłamatyčny cisk — voś try faktary spraviadlivaha spynieńnia vajny», — skazaŭ Zialenski.
Jon dadaŭ: «Kali ZŠA i jeŭrapiejskija krainy zachavajuć adzinstva, heta ŭzmocnić cisk i pakaža Maskvie, što ŭ jaje niama šancaŭ».
Zialenski raskazaŭ taksama, što jany źviazvalisia z kamandaj Trampa.
«Mister Tramp skazaŭ mnie, što jon hatovy adkazać na lubyja pytańni, i što ŭ mianie jość jaho numar telefona».
U intervju Zialenski, akramia hetaha, padkreśliŭ važnaść padtrymki Japonii.