Hładkaja abvinavaciła advakata Kryhiera ŭ vyniasieńni śmiarotnaha prysudu
Mienavita «častkovaje pryznańnie viny», jak śćviardžaje prapahandystka, i stała pryčynaj taho, što sud u vyniku prysudziŭ Kryhiera da śmiarotnaha pakarańnia.
29.07.2024 / 07:29
Ryka Kryhier. Fota: spring96.org
Prapahandystka Ludmiła Hładkaja zajaviła, što ŭ vyniasieńni śmiarotnaha prysudu hramadzianinu Hiermanii Ryka Kryhieru vinavaty jaho advakat.
Jon pryznavaŭ svaju vinu całkam, pa ŭsich epizodach, pa ŭsich pradjaŭlenych artykułach, ale potym źjaviŭsia toj advakat, jaki vioŭ jaho dalej i čałaviek staŭ pryznavać svaju vinu častkova», — zajaviła Hładkaja ŭ efiry «Biełaruś 1», zaŭvažyŭ Reform.news.
Mienavita «častkovaje pryznańnie viny», jak śćviardžaje prapahandystka, i stała pryčynaj taho, što sud u vyniku prysudziŭ Kryhiera da śmierci.
Jana taksama zajaviła, što «adziny va ŭsim śviecie», chto moža dapamahčy Kryhieru paźbiehnuć śmierci — heta Alaksandr Łukašenka. U vypadku, kali pamiłuje zamiežnaha hramadzianina.
Hładkaja nie abyšła bokam Hiermaniju, jakoj nibyta «naplavać «na svajho hramadzianina, zajaviŭšy, što «my da dyjałohu adkrytyja».
Jak paviedamlałasia raniej, Ryka Kryhier byŭ prysudžany da śmiarotnaha pakarańnia nibyta za ŭčynieńnie vybuchu na stancyi Aziaryšča pad Minskam.
Urad FRH nie kamientuje mahčymy abmien Kryhiera. Jon vykazaŭ zaniepakojenaść filmam BT
Padrabiaznaści teraktu Kryhiera pad Aziaryščam — razburanyja špały i nivodnaha paranienaha