Biada nie chodzić adna. Siońnia čakajecca najmacniejšaja mahnitnaja bura
Navukoŭcy zarehistravali vosiem mahutnych uspyšak kłasa M na Soncy ŭ niadzielu. Adna ź ich moža pryvieści da najmacniejšaj mahnitnaj bury. Bura pačałasia ŭžo siońnia, a jaje pik čakajecca ŭ druhoj pałovie dnia 30 lipienia.
29.07.2024 / 10:59
Fota: NASA Goddard Laboratory for Atmospheres / NASA
Navukoŭcy pradkazvajuć rost hieamahnitnaj aktyŭnaści. Jana pačniecca ŭ noč z 29 na 30 lipienia. I pastupova mahnitnaja bura budzie ŭzmacniacca. Na spad jana pojdzie 31 lipienia, piša Tochka.by.
Što takoje mahnitnaja bura?
Heta rezkija źmieny ŭ mahnitnym poli Ziamli, jakija pravakuje pavyšanaja soniečnaja aktyŭnaść. Jany mohuć doŭžycca ad niekalkich hadzin da niekalkich dzion.
Mahnitnym patokam pad siłu ŭpłyvać na pracu spadarožnikaŭ, radyjosuviazi, elektrasietak, a taksama na samaadčuvańnie ludziej i žyvioł.
Śpiecyjalisty aceńvajuć hieaštormy pa 10-balnaj škale, dzie im ad 5 bałaŭ i vyšej prysvojvajuć kłasy ad G1 da G5.
Jak zaścierahčysia ad mahnitnych bur?
Kab źnizić niehatyŭnaje ŭździejańnie ad praźmiernaj soniečnaj aktyŭnaści na arhanizm, rekamiendujecca vykonvać nastupnyja praviły:
- paźbiahać stresu, pieraachaładžeńnia i pierahrevu
- pić dastatkova vady, užyvać vitaminy
- vykonvać režym snu i adpačynku
- rabić lohkija fizičnyja praktykavańni
- paźbiahać kureńnia i ałkaholu.
Ratavalniki papiaredzili pra składanyja ŭmovy nadvorja ad samaje ranicy. Čakajucca mocnyja daždžy
Niepahadź dakaciłasia da stalicy FOTA
Mocny viecier vyrvaŭ dźviery ŭ rajonie «Minsk-Śviet» VIDEA