Aktyvista z Navapołacka zavočna asudzili na vialiki termin i štraf
Viciebski abłasny sud prysudziŭ 7 hadoŭ źniavoleńnia aktyvistu z Navapołacka Andreju Zujevu. Taksama jon pakarany štrafam u 8000 rubloŭ, piša «Radyjo Svaboda».
29.07.2024 / 15:59
Andrej Zujeŭ
Sudzili Andreja Zujeva zavočna. Mužčynu pryznali vinavatym pavodle čatyroch artykułaŭ Kryminalnaha kodeksa, u tym liku ŭ «stvareńni ekstremisckaj arhanizacyi» i «raspalvańni sacyjalnaj varažniečy».
«Nijak nie staŭlusia da hetaha prysudu, nie liču jaho zakonnym, bo sapraŭdnych sudździaŭ u Biełarusi niama, a hetyja, jakich pryznačyli, prysmaktalisia da naroda i pjuć ź jaho apošniuju kroŭ», — prakamientavaŭ prysud Andrej Zujeŭ.
Pra vyrak jon daznaŭsia ad znajomych i abskardžvać jaho nie źbirajecca.
Andreju Zujevu 45 hadoŭ, u Navapołacku jon pracavaŭ na SP «Mark Farmel», byŭ dziejačam «Narodnaj Hramady» Mikałaja Statkieviča. U 2020 hodzie adbyvaŭ administracyjny aryšt, paśla čaho źjechaŭ ź Biełarusi razam ź siamjoj.
Pryznačyli datu suda nad Uładzimiram Chilmanovičam
Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie
Aktyvistu Juryju Ščučko zavočna dali piać hadoŭ