Ad novaha razhułu niepahadzi ŭ Biełarusi paciarpieli dva čałavieki — MNS
Dva čałavieki paciarpieli ŭ Biełarusi ŭ vyniku ŭzmacnieńnia vietru ŭ paniadziełak, paviedamili ŭ pres-słužbie Ministerstva pa nadzvyčajnych situacyjach.
29.07.2024 / 19:45
Skrynšot ź videa
«Dyziel-hienieratary MNS nakiravanyja na dva abjekty sielskaj haspadarki dla zabieśpiačeńnia ich elektraenierhijaj. Pavodle apieratyŭnych źviestak, paškodžanyja piać aŭtamabilaŭ, piać žyłych damoŭ i škoła. Paciarpieli dva čałavieki», — adznačyli ŭ ministerstvie.
U MNS udakładnili, što ŭ Babrujsku drevam, jakoje ŭpała ad paryvu vietru, była traŭmavanaja pažyłaja žančyna, jana špitalizavanaja.
Raniej taksama paviedamlałasia, što pad ahraharadkom Jaremičy Karelickaha rajona halinaj dreva prycisnuła leśnika. Mužčynu špitalizavali.
Ciapier padraździaleńni MNS praciahvajuć akazvać dapamohu ŭ likvidacyi nastupstvaŭ niepahadzi. Pa źviestkach viedamstva, za apošni čas ratavalniki 154 razy vyjazdžali na raskryžoŭvańnie dreŭ.
Pad Kobrynam mocnym vietram pavaliła vadanapornuju viežu
Niepahadź dakaciłasia da stalicy FOTA
U Biełarusi z-za ŭrahanu zahinuli siem čałaviek