Paśla troch dzion spabornictvaŭ na Alimpijskich hulniach lidzirujuć japoncy
Paśla zakančeńnia treciaha dnia spabornictvaŭ na Alimpijskich hulniach u Paryžy rej pakul što viaduć zbolšaha pazajeŭrapiejskija zbornyja.
30.07.2024 / 00:53
Japonskaja zbornaja tolki što pieramahła ŭ kamandnych spabornictvach pa spartyŭnaj himnastycy. Fota: AP Photo/Francisco Seco
Na pieršym miescy ŭ nieaficyjnym zaliku pa miedalach pakul zbornaja Japonii. U japoncaŭ ciapier 12 miedaloŭ, ź jakich 6 załatyja, 4 srebranyja i 2 bronzavyja.
Dalej iduć haspadary spabornictvaŭ — francuzy, i jany ŭ šaściorcy adzinyja jeŭrapiejcy. U francuzskaj zbornaj bolšaja, čym u japoncaŭ, ahulnaja kolkaść uznaharod (16), ale ź ich tolki 5 załatych. 8 francuzskich miedaloŭ — srebranyja, 3 — bronzavyja.
Na trecim miescy — kitajcy z 12 miedalami (5+5+2), na čaćviortym — aŭstralijcy z 9 (5+4+0), na piatym — paŭdniovyja karejcy taksama z 9 (5+4+1). Zamykajuć šaściorku amierykancy: u ich najbolšaja ahulnaja kolkaść miedaloŭ (20), ale ź ich tolki 3 załatyja, a 8 i 9 adpaviedna srebranyja i bronzavyja.
Što tyčycca našych najbližejšych susiedziaŭ, to ŭznaharody pakul majuć tolki palaki i ŭkraincy. Polskaj zbornaj srebra pryniesła słałamnaja viaślarka Kłaŭdzija Zvalińska, a ŭkrainskaj — fiechtavalnica na šablach Volha Charłan.
Što tyčycca postsavieckich krain, to siarod ich pry adsutnaści adchilenaj ad spabornictvaŭ Rasii viadzie pakul što rej Kazachstan: 3 miedali (1+0+2). Pa adnamu zołatu majuć Azierbajdžan i Uźbiekistan, a taksama dźvie bronzy jość u Małdovy. Prytym, što cikava, usie ŭznaharody hetych krain, za vyklučeńniem adnoj kazachstanskaj bronzy pa stralbie, zavajavanyja ŭ adnym-adzinym vidzie sportu — baraćbie dziudo.
Alina Zmuška zaniała ŭ alimpijskim finale vośmaje miesca
BT pakazała Alimpijadu, choć u jaho niama pravoŭ. Karcinku ŭziali z «Jeŭrasportu»
Anastasija Škurdaj nie zdoleła prabicca ŭ paŭfinał 100 m na śpinie
Alimpijskaha kamientatara Eurosport adchilili ad pracy za seksisckaje vykazvańnie ŭ efiry
Tyniejdžarka ź Japonii stała alimpijskaj čempijonkaj u 14 hod. Pryčym u jakoj dyscyplinie!
Arhanizatary Alimpijady paprasili prabačeńnia za adsyłku da «Tajnaj viačery» na cyrymonii adkryćcia