U Słucku chłopca pavinšavali z dniom naradžeńnia, imitavaŭšy zatrymańnie. Ciapier da žartaŭnikoŭ pryjšoŭ sapraŭdny AMAP
Słucki hidrabolny kłub Battlefield pavinšavaŭ 15-hadovaha padletka z dniom naradžeńnia, imitavaŭšy jaho zatrymańnie — na jaho nadzieli kajdanki, skamandavali «mordaj u padłohu», paśla čaho prynieśli tort, na jakim treba było zadźmuć śviečki. Rolik kłub apublikavaŭ va instahramie. Paśla hetaha da ich samich pryjšli siłaviki, piša «Miedyjazona».
30.07.2024 / 10:40
U videa kłuba Battlefield da kampanii padletkaŭ padjazdžaje mašyna z «siłavikami» — udzielnikami kłuba. Jany z racyjami, u bałakłavach, ekipiroŭcy koleru chaki.
Chłopca abšukvajuć na vačach u jaho siabroŭ i susiedziaŭ, zabirajuć telefon, paśla pranku vinšujuć z dniom naradžeńnia.
Videa zjaviłasia ŭ akaŭncie kłuba dva dni tamu. U aŭtorak, 30 lipienia, telehram-kanał siłavikoŭ apublikavaŭ post, u jakim piša, što arhanizataraŭ pranku zatrymali.
Skryn videa siłavikoŭ
«Praźmierna aktyŭnyja vydumščyki za svaju zadumu ŭžo atrymali pratakoły za drobnaje chulihanstva — zaraz u ich budzie čas padumać nad svaimi pavodzinami ŭ IČU», — havorycca ŭ paście.