Centr Minska pierakryjuć 4 žniŭnia. Voś navošta
Z-za praviadzieńnia masavaha mierapryjemstva na niekalkich vulicach u Miensku budzie abmiežavany ruch transpartu.
30.07.2024 / 13:52
Fota: DAI
4 žniŭnia z-za praviadzieńnia «Minskaha tryjatłona» pierakryjuć ceły šerah vulic.
Ruch transpartu budzie abmiežavany:
7:50 — 12:10 pierakryćcie pa cotnym baku praśpiekta Pieramožcaŭ na ŭčastku z vulicaj Parkavaj da vulicy Ratamskaj;
7:50 — 12:10 pierakryćcie pa źjeździe z MKAD;
7:50 —13:10 pierakryćcie pa cotnym baku praśpiekta Pieramožcaŭ ad vulicy Ratamskaj da vulicy Lenina;
7:50 — 13:10 pierakryćcie pa vulicy Lenina ad praśpiekta Pieramožcaŭ da praśpiekta Niezaležnaści;
7:50 — 13:10 pierakryćcie pa praśpiekcie Niezaležnaści ad vulicy Babrujskaj da płoščy Pieramohi, uklučajučy kruhavuju transpartnuju raźviazku na płoščy Pieramohi;
7:50 — 13:10 pierakryćcie pa praśpiekcie Mašerava ad praśpiekta Pieramožcaŭ da vulicy Daŭmana.
DAI rekamienduje kiroŭcam vybirać maršrut z ulikam hetaj infarmacyi.
U «Minskim tryjatłonie» prymuć udzieł jak amatary, tak i prafiesijanały. Akramia asnoŭnych spabornictvaŭ zapłanavany zabiehi dla žančyn i dziaciej Minsk Lady run i TriKids.