U Łukašenki abmierkavali spravu Ryka Kryhiera, asudžanaha na śmierć
Niemiec źviarnuŭsia z prašeńniem ab pamiłavańni.
30.07.2024 / 14:27
Udzieł u abmierkavańni ŭziała i žurnalistka Ludmiła Hładkaja, jakaja zrabiła niekalki repartažaŭ pra praces
«U kabiniecie Łukašenki tolki što abmierkavali spravu Ryka Kryhiera — hramadzianina Hiermanii, pryhavoranaha da śmiarotnaha pakarańnia», — piša BiełTA.
Niemiec źviarnuŭsia z prašeńniem ab pamiłavańni. Łukašenka «zaprasiŭ ludziej, pahružanych u praces, pačuć padrabiaznaści, mierkavańni, «paraicca», — havorycca ŭ paviedamleńni BiełTA.
Łukašenka prakamientavaŭ situacyju:
«Najhoršaje pytańnie ŭ losie i žyćci prezidenta, jakoje atrymała vielmi surjoznaje hučańnie. Ryka Kryhier — hramadzianin Hiermanii. Akazvajecca, tolki ŭ 1993 hodzie naradziŭsia. Sudom pryhavorany ŭ Biełarusi da vyklučnaj miery pakarańnia. Pavodle našaj Kanstytucyi i zakonaŭ apošniaje słova zaŭsiody za prezidentam. Źviartajecca, nie źviartajecca (za pamiłavańniem)… Ja ŭžo niejak havaryŭ, što samaje ciažkaje ŭ losie kiraŭnika krainy — heta takija spravy, źviazanyja z vyklučnaj mieraj pakarańnia. Moža, i paraicca. Ale pačuć vašaje mierkavańnie», — skazaŭ jon.
Hładkaja abvinavaciła advakata Kryhiera ŭ vyniasieńni śmiarotnaha prysudu
Urad FRH nie kamientuje mahčymy abmien Kryhiera. Jon vykazaŭ zaniepakojenaść filmam BT