«Nas było troje!» Jehipieckaja fiechtavalnica vystupiła na Alimpijadzie na siomym miesiacy ciažarnaści
I Hulni ŭ Paryžy stali dla jaje najlepšymi ŭ karjery.
30.07.2024 / 17:11
Fota: instahram Nady Chafiez
Jehipieckaja fiechtavalnica Nada Chafiez vystupiła na Alimpijadzie-2024 u Paryžy na siomym miesiacy ciažarnaści.
26-hadovaja spartsmienka ŭdzielničała ŭ turniry šablistak. Jana startavała z 1/16 finału, dzie zmahła pieramahčy dziasiataha numara suśvietnaha rejtynhu amierykanku Elizabiet Tartakoŭski — 15:13.
U čverćfinał Chafiez prabicca nie zmahła — jana sastupiła pradstaŭnicy Paŭdniovaj Karei Cha Jeun Čon (7: 15) i pakinuła turnir.
Paśla pajadynku Nada paviedamiła, što fiechtavała, budučy na siomym miesiacy ciažarnaści.
«Na darožcy nas nasamreč było troje! Heta była ja, moj supiernik i majo nienarodžanaje dzicia!» — napisała spartsmienka ŭ instahramie.
Jana raskazała, što sumiaščać sport i ciažarnaść było vielmi ciažka, ale joj dapamahła padtrymka muža i ŭsioj siamji. Nada adznačyła, što vyrašyła vystupić na Alimpijadzie na siomym miesiacy, kab pakazać usiamu śvietu siłu i ŭpartaść jehipieckaj žančyny.
Hetaja Alimpijada stała dla jehipcianki najlepšaj u karjery — da hetaha ŭ Rya-2016 i Tokia-2021 jana prajhravała ŭ pieršych ža pajadynkach.
Biełaruski viaślar u adzin dzień z vychadam u alimpijski paŭfinał staŭ baćkam
Paśla troch dzion spabornictvaŭ na Alimpijskich hulniach lidzirujuć japoncy
Tyniejdžarka ź Japonii stała alimpijskaj čempijonkaj u 14 hod. Pryčym u jakoj dyscyplinie!