Litoŭskaja palicyja pačała rasśledavańnie ŭ suviazi ź incydentam suprać biełaruskaj kramy ŭ Vilni
Palicyja pačała papiaredniaje rasśledavańnie ŭ suviazi z napadam na biełaruskuju kramu Kropka ŭ Vilni, jakaja naležyć byłomu palitźniavolenamu Dźmitryju Furmanavu, piša Delfi.lt
30.07.2024 / 17:20
Fota: Novaja hazieta Bałtyja
Jak paviedamiŭ pradstaŭnik Hałoŭnaha kamisaryjata palicyi Vilenskaha pavieta Tomas Braženas, «pa fakcie źniščeńnia abo paškodžańnia majomaści pačata papiaredniaje rasśledavańnie».
Sa słoŭ pradstaŭnika palicyi, kali padčas rasśledavańnia źjaviacca novyja padrabiaznaści, abvinavačańnie moža być pierakvalifikavanaje ŭ raspalvańnie nianaviści ci niešta padobnaje.
Krama Kropka znachodzicca ŭ centry Vilni na vulicy Savičaŭ (Savičiaus g. 6) pamiž Ratušnaj płoščaj i korpusam EHU. Pracuje z 11:00 da 20:00 štodnia.
U noč na niadzielu nieviadomyja napali na kramu. Tam raźbili akno, a na ścianie napisali pa-litoŭsku «Viartajciesia dadomu, biełaruskija śvińni».
Ułaśnik paškodžanaj kramy Kropka ŭ Vilni: Pa videa bačna, jak čałaviek fotkaje nadpis