Cichanoŭskaja naviedała kramu Kropka razam ź litoŭskimi palitykami
Śviatłana Cichanoŭskaja naviedała vilenskuju biełaruskuju kramu Kropka, na jakuju ŭ hetyja vychadnyja byŭ ździejśnieny napad, kab padtrymać jaje ŭładalnika Źmitra Furmanava i jahonuju kamandu. Biełaruskuju demakratyčnuju lidarku supravadžali ambasadarka pa asablivych daručeńniach litoŭskaha MZS Asta Andryjaŭskienie i deputat Siejma Litvy Tomas Tamilinas.
30.07.2024 / 22:08
Fota Ofisa Śviatłany Cichanoŭskaj
«Režymu nie padabajucca dobryja adnosiny pamiž narodam Litvy i biełarusami. I jon uvieś čas ździajśniaje takija pravakacyi, kab sutyknuć nas iłbami.
Heta robicca dla taho, kab vyklikać niehatyŭnaje staŭleńnie da biełarusaŭ i pasiejać strach siarod biełarusaŭ. U demakratyčnym hramadstvie nie pavinna isnavać ksienafobii ŭ anijakim vyhladzie», — adznačyła Śviatłana Cichanoŭskaja.
Taksama jana padziakavała litoŭskamu ŭradu za vielmi chutkuju reakcyju na zdareńnie i vykazała spadziavańnie na paśpiachovaje rasśledavańnie dy pakarańnie vinavatych.
Padtrymać «Kropku» možna naviedaŭšy kramu i kupiŭšy tam vyraby biełaruskich majstroŭ i majstryc: Savičiaus g. 6, Vilnia.
Litoŭskaja palicyja pačała rasśledavańnie ŭ suviazi ź incydentam suprać biełaruskaj kramy ŭ Vilni
Ułaśnik paškodžanaj kramy Kropka ŭ Vilni: Pa videa bačna, jak čałaviek fotkaje nadpis