U Polščy zatrymali vykładčyka Vajskovaj akademii. Jon nie raz jeździŭ u Biełaruś
dapoŭniena
Jon vykraŭ danyja tysiač supracoŭnikaŭ polskich śpiecsłužbaŭ.
31.07.2024 / 12:50
Ilustracyjnaje fota
U Polščy zatrymali vykładčyka Vajskovaj akademii, jakija vykraŭ danyja tysiač supracoŭnikaŭ polskich śpiecsłužbaŭ, paviedamiŭ telekanał TVN.
«Vajskovaja žandarmieryja zatrymała supracoŭnika Vajenna-histaryčnaha biuro i adnačasova vykładčyka Akademii vajennaha mastactva. U jaho byli znojdzieny tysiačy asabistych tečak supracoŭnikaŭ śpiecsłužbaŭ», — havorycca ŭ paviedamleńni. Taksama paviedamlajecca, što akramia tečak z danymi supracoŭnikaŭ śpiecsłužbaŭ, u zatrymanaha vykładčyka pry pieratrusie była znojdzienaja dziciačaja parnahrafija.
Telekanał śćviardžaje, što pa hetaj spravie, aprača Vajskovaj žandarmieryi i prakuratury, pracuje taksama Słužba vajskovaj kontrraźviedki. Pavieł P. nieadnarazova naviedvaŭ Biełaruś.
Fota: Wojskowe Biuro Historyczne
Vierahodna, havorka idzie pra historyka Paŭła Piatroŭskaha. Jon zajmajecca historyjaj polskich uzbrojenych sił paśla Druhoj suśvietnaj vajny i historyjaj śpiecsłužbaŭ tatalitarnych dziaržaŭ.