Zaŭtra znoŭ padaražeje bienzin, ale pakul nie ŭvieś
«Biełnaftachim» paviedamiŭ, što z 1 žniŭnia padaražeje adna z marak bienzinu. U kancernie ŭdakładnili, što havorka idzie pra «inavacyjny vid matornaha paliva biełaruskaj vytvorčaści — aŭtabienzin AI-100».
31.07.2024 / 19:19
Z zaŭtrašniaha dnia heta marka padaražeje na try kapiejki, da 2,77 biełaruskaha rubla.
«Cana na hety vid paliva, jaki adnosicca da premijalnaha siehmienta naftapraduktaŭ, pryvodzicca ŭ adpaviednaść z vydatkami na jaho vytvorčaść, jakija ŭklučajuć pryciahnieńnie bolš darahich kampanientaŭ dla pavyšeńnia aktanavaha liku», — rastłumačyli ŭ «Biełnaftachimie».
«Hetaje pavyšeńnie nie zakranie inšyja vidy naftapraduktaŭ», — padkreślili ŭ kancernie.
Znoŭ padaražeje na kapiejku paliva. Na hetym spyniacca?
Hady iduć, a ceny rastuć. Jak u Biełarusi padaraželi narodnyja aŭtamabili
Z 1 žniŭnia ŭ Minsku padaražejuć aŭtastajanki