У Мінску пачынаецца суд над абвінавачаным у забойстве маладой касіркі, якую жорстка забілі 15 гадоў таму
Дзёрзкае злачынства, здзейсненае амаль 15 гадоў таму ў Заводскім раёне Мінска, было рэзанансным, доўгі час яно заставалася нераскрытым.
01.08.2024 / 07:40
Мінскі гарадскі суд пачне разгляд крымінальнай справы аб забойстве дзяўчыны-касіра ў сталіцы, якое адбылося ў 2009 годзе, піша «Спутнік».
Дзёрзкае злачынства, якое ўзрушыла ўвесь Мінск, было здзейснена ў снежні 2009 года. Тады супрацоўніца абменнага пункта ва ўніверсаме «Аўтазаводскай» на Партызанскім праспекце былі нанесеныя множныя ўдары нажом, выкрадзеная буйная сума грошай.
Доўгі час гэта злачынства было ў катэгорыі нераскрытых, але праца па ім працягвалася.
У 2024 годзе ГУУС Мінска паведаміла, што падазраваны ўстаноўлены і затрыманы.
Абвінавачанаму — 49-гадоваму мінчуку — -выстаўленае абвінавачванне паводле двух артыкулаў Крымінальнага кодэкса п.п. 6,12 ч. 2 арт. 139, ч. 3 арт. 207 (забойства з асаблівай жорсткасцю, спалучанае з разбоем).
Забойства было раскрыта пасля таго, як з'явілася інфармацыя экспертаў аб магчымым супадзенні генетычных характарыстык мужчыны з генатыпам на прадмеце, які быў канфіскаваны следствам у 2009 годзе.
Накіроўваючы крымінальную справу ў суд, пракурор пакінуў абвінавачанаму ранейшую меру стрымання ў выглядзе заключэння пад варту.
Згодна з матэрыяламі справы, абвінавачаны ў канцы 2009 года, каб завалодаць грашыма, днём пракраўся ў абменнік і нанёс супрацоўніцы не менш за 19 удараў нажом, у тым ліку ў вобласць размяшчэння жыццёва важных органаў.
Дзяўчына ад ран і кровастраты памерла на месцы.
Раскрылі забойства касіркі мінскага абменніка 14-гадовай даўніны