U Minsku pačynajecca sud nad abvinavačanym u zabojstvie maładoj kasirki, jakuju žorstka zabili 15 hadoŭ tamu
Dziorzkaje złačynstva, ździejśnienaje amal 15 hadoŭ tamu ŭ Zavodskim rajonie Minska, było rezanansnym, doŭhi čas jano zastavałasia nieraskrytym.
01.08.2024 / 07:40
Minski haradski sud pačnie siońnia razhlad kryminalnaj spravy ab zabojstvie dziaŭčyny-kasira ŭ stalicy, jakoje adbyłosia ŭ 2009 hodzie, piša «Sputnik».
Dziorzkaje złačynstva, jakoje ŭzrušyła ŭvieś Minsk, było ździejśniena ŭ śniežni 2009 hoda. Tady supracoŭnicy abmiennaha punkta va ŭniviersamie «Aŭtazavodski» na Partyzanskim praśpiekcie byli naniesienyja množnyja ŭdary nažom, vykradzienaja bujnaja suma hrošaj.
Doŭhi čas heta złačynstva było ŭ katehoryi nieraskrytych, ale praca pa im praciahvałasia. U 2024 hodzie HUUS Minska paviedamiła, što padazravany ŭstanoŭleny i zatrymany.
Abvinavačanamu — 49-hadovamu minčuku — vystaŭlenaje abvinavačvańnie pavodle dvuch artykułaŭ Kryminalnaha kodeksa p.p. 6,12 č. 2 art. 139, č. 3 art. 207 (zabojstva z asablivaj žorstkaściu, spałučanaje z razbojem).
Zabojstva było raskryta paśla taho, jak źjaviłasia infarmacyja ekśpiertaŭ ab mahčymym supadzieńni hienietyčnych charaktarystyk mužčyny z hienatypam na pradmiecie, jaki byŭ kanfiskavany śledstvam u 2009 hodzie.
Nakiroŭvajučy kryminalnuju spravu ŭ sud, prakuror pakinuŭ abvinavačanamu raniejšuju mieru strymańnia ŭ vyhladzie zaklučeńnia pad vartu.
Zhodna z materyjałami spravy, abvinavačany zajšoŭ u abmieńnik i nanios dziaŭčynie nie mienš za 19 udaraŭ nažom, u tym liku ŭ vobłaść raźmiaščeńnia žyćciova važnych orhanaŭ.
Raskryli zabojstva kasirki minskaha abmieńnika 14-hadovaj daŭniny