Žurnalist Evan Hierškovič vierniecca ŭ ZŠA ŭ čaćvier u ramkach abmienu — Fox News
Dva tydni tamu amierykanskaha žurnalista prysudzili ŭ Rasii da 16 hadoŭ kałonii strohaha režymu.
01.08.2024 / 08:02
Fota: Śviardłoŭski sud
Fox News paviedamiŭ, što žurnalist The Wall Street Journal Evan Hierškovič vierniecca ŭ ZŠA ŭ čaćvier u ramkach abmienu źniavolenymi.
Jak zajaviŭ viadučy telekanała, hetaja infarmacyja była atrymanaja ad haziety The Wall Street Journal.
Pra maštabny abmien źniavolenymi pamiž Rasijaj, Biełaruśsiu, ZŠA i Hiermanijaj paviedamiŭ učora taksama słavienski kanał N1.
Śviardłoŭski abłasny sud 19 lipienia prysudziŭ karespandenta The Wall Street Journal Evana Hierškoviča da 16 hadoŭ pazbaŭleńnia voli ŭ kałonii strohaha režymu pa spravie ab špijanažy (artykuł 276 KK RF).
Dziaržabvinavačańnie zapytvała dla žurnalista 18 hadoŭ pazbaŭleńnia voli.
Pa viersii śledstva, Hierškovič «pa zadańni CRU ŭ sakaviku 2023 hoda źbiraŭ u Śviardłoŭskaj vobłaści sakretnuju infarmacyju ab dziejnaści abaronnaha pradpryjemstva «Urałvahonzavod». U prakuratury śćviardžali, što žurnalist «trymaŭsia pilnych mier kanśpiracyi».
Hierškovič vinu pa spravie nie pryznaŭ.
U Rasii z kałonij źnikli niekalki statusnych palitviaźniaŭ. Rychtujecca vialiki abmien?