U Biełarusi prajšła chvala pieratrusaŭ u kvaterach pradstaŭnikoŭ miedyja
U červieni-lipieni prajšoŭ jak minimum 21 pieratrus u žurnalistaŭ, jakija vyjechali za miažu i praciahvajuć pracu ŭ miedyja, paviedamlaje BAŽ.
01.08.2024 / 10:08
U absalutnaj bolšaści pa miescach rehistracyi žurnalistaŭ i žurnalistak siłaviki pryjazdžali z pastanovami na pieratrus pa zaviedzienych na miedyjščykaŭ kryminalnych spravach.
U šerahu vypadkaŭ siłaviki zapisvali tak zvanyja «pakajalnyja» videa z rodnymi žurnalistaŭ. Tak, niadaŭna, siłaviki prymusili baćkoŭ viadoŭcaŭ kanała vydańnia «Lusterka» ŭ TikTok zapisać videa sa słovami asudžeńnia i abureńnia ŭ dačynieńni da dziaciej.
Biełaruskaja asacyjacyja žurnalistaŭ ličyć novuju chvalu pieratrusaŭ sposabam cisku na žurnalistaŭ i miedyja. Ułady nie pakidajuć u spakoi nie tolki žurnalistaŭ, što vymušana źjechali ź Biełarusi pad pahrozaj represij, ale i ich rodnych.
Na dadzieny momant za kratami ŭ Biełarusi znachodziacca 37 pradstaŭnikoŭ i pradstaŭnic miedyja.
Siłaviki cisnuć na baćkoŭ viadoŭcaŭ tyktok-kanała «Lusterka»
Znoŭ praviali pieratrus u pravaabaroncy i žurnalista Ihara Kaźmierčaka