На новай станцыі метро ў Мінску зробяць падсветку, якая імітуе слуцкія паясы ФОТЫ
Станцыя будзе аформлена ў сініх і сталёвых колерах.
01.08.2024 / 11:07
Фота: Мінскбуд
Станцыя трэцяй лініі мінскага метро «Слуцкі Гасцінец» будзе абсталявана падсветкай, якая імітуе слуцкія паясы.
Электрыка і падсвятленне ўжо мантуюцца на станцыі, паведамляе «Мінскбуд».
У цэлым станцыя будзе аформлена ў сініх і сталёвых колерах. На «Слуцкім гасцінцы», якая стане канчатковай станцыяй, будзе адзін вестыбюль без эскалатараў.
Фота: Мінскбуд
Як і ўсе станцыі Зеленалужскай лініі «Слуцкі Гасцінец» будзе абсталяваны рассоўнымі дзвярыма на платформе. Адкрыццё станцыі плануецца пад канец 2024 года.