Turecki strałok prasłaviŭsia na Alimpijadzie i staŭ hierojem miemaŭ
Karystalnikaŭ sacsietak skaryŭ vystup 51-hadovaha turka bieź śpiecyjalizavanaj ekipiroŭki.
01.08.2024 / 14:38
Turak Jusuf Dykieč, jaki zavajavaŭ srebra Alimpijady ŭ stralbie ź pnieŭmatyčnaha pistaleta z dystancyi 10 mietraŭ u źmiešanych parach, staŭ hierojem internet-miemaŭ, piša RBK.
Pryčyna — 51-hadovy spartsmien admoviŭsia ad vykarystańnia śpiecyjalizavanaj ekipiroŭki.
Jon vystupaŭ u svaich zvyčajnych akularach zamiest akularaŭ, jakija praduchilajuć bliki ci palapšajuć dakładnaść.
Taksama nie staŭ nadziavać šumaizalujučyja navušniki. Da taho ž pry stralbie jon nie zapluščvaŭ voka, jak heta robić bolšaść jaho kaleh.
Padčas stralby jon zasoŭvaŭ svabodnuju ruku ŭ kišeniu, tamu zdavaŭsia rassłablenym.
Raźlaciełasia pa internecie fatahrafija ź Dzikiečam. Jana supravadžałasia, naprykład, takimi podpisami: «Turcyja adpraviła na Alimpijadu kilera?», «Voś jak mužčyny źbirajuć rečy ŭ darohu».
Anastasija Škurdaj prabiłasia ŭ paŭfinał alimpijskaj 200-mietroŭki na śpinie
U miedalnym zaliku Alimpijady na pieršaje miesca vyjšaŭ Kitaj
Viaślarka Taćciana Klimovič raźvitałasia z šancami na miedal, a Jaŭhien Załaty prabiŭsia ŭ finał