Eks-namieśnik Cichanoŭskaj Valer Kavaleŭski stvaryŭ Ahienctva jeŭraatłantyčnaha supracoŭnictva
Abviaščajecca, što Ahienctva adkrytaje dla partniorstva z roznymi biełaruskimi i mižnarodnymi ŭdzielnikami.
01.08.2024 / 15:07
Valer Kavaleŭski i Kirył Dańko. Fota: tvitar V. Kavaleŭskaha
«Siońnia my abviaščajem pra pačatak dziejnaści Ahienctva jeŭraatłantyčnaha supracoŭnictva dla dasiahnieńnia intehracyi niezaležnaj, suvierennaj, demakratyčnaj Biełarusi ŭ skład jeŭraatłantyčnaj supolnaści», — napisaŭ jon u svaim fejsbuku.
Pa jaho słovach AJES źjaŭlajecca niezaležnaj, nacelenaj na vynik kamandaj z ekśpiertyzaj u halinie mižnarodnych adnosin i kamunikacyj.
«My budziem pracavać z uradami, mižnarodnymi arhanizacyjami, demakratyčnym rucham, analityčnaj supolnaściu i ŚMI. My bazujemsia ŭ Varšavie i dziejničajem u roznych krainach», — zaznačaje eks-namieśnik Śviatłany Cichanoŭskaj.
«Mety i zadačy AJES źjaŭlajucca aktualnymi i składanymi i patrabujuć sumiesnych namahańniaŭ na ŭsich etapach. Z hetaj metaj Ahienctva adkrytaje dla partniorstva z roznymi biełaruskimi i mižnarodnymi ŭdzielnikami», — dadaŭ jon.
Valer Kavaleŭski nazvany vykanaŭčym dyrektaram AJES, daradcam pa zamiežnaj palitycy źjaŭlajecca Anton Piańkoŭski, Kirył Dańko — dyrektaram pa kamunikacyjach.
***
Valer Kavaleŭski ŭ Abjadnanym pierachodnym kabiniecie byŭ namieśnikam Śviatłany Cichanoŭskaj pa mižnarodnych spravach. Jon pakinuŭ Kabiniet u kancy červienia.
Valeryj Kavaleŭski patłumačyŭ, čamu pakinuŭ Kabiniet Cichanoŭskaj
Stała viadoma, chto budzie vykonvać abaviazki namieśnika Cichanoŭskaj paśla adstaŭki Kavaleŭskaha
Namieśnik Cichanoŭskaj Valer Kavaleŭski pakinuŭ pasadu