Zavočna buduć sudzić eks-siłavikoŭ Kułažanku i Paciechina
U Śledčym kamitecie paviedamili pra adkryćcio śpiecyjalnaj vytvorčaści ŭ dačynieńni da byłoha amapaŭca Paŭła Kułažanki i eks-vajskoŭca Vasila Paciechina.
01.08.2024 / 18:13
Pavieł Kułažanka i Vasil Paciechin. Kałaž: «Lusterka»
Byłoha amapaŭca, 40-hadovaha Paŭła Kułažanku, jaki ciapier vajuje na baku Ukrainy, abvinavačvajuć pa niekalkich artykułach KK:
- akt teraryzmu, ździejśnieny arhanizavanaj hrupaj, albo z užyvańniem abjektaŭ vykarystańnia atamnaj enierhii, albo z vykarystańniem radyjeaktyŭnych rečyvaŭ abo jadziernych materyjałaŭ, mocnadziejnych, taksičnych chimičnych abo bijałahičnych rečyvaŭ, abo spałučany z zabojstvam čałavieka (č. 3 art. 289);
- zamach na akt teraryzmu, ździejśnieny arhanizavanaj hrupaj, albo z užyvańniem abjektaŭ vykarystańnia atamnaj enierhii, albo z vykarystańniem radyjeaktyŭnych rečyvaŭ abo jadziernych materyjałaŭ, mocnadziejnych, taksičnych chimičnych abo bijałahičnych rečyvaŭ, abo spałučany z zabojstvam čałavieka (č. 1 art. 14, č. 3 art. 289);
- dziejnaść pa stvareńni arhanizacyi dla ažyćciaŭleńnia terarystyčnaj dziejnaści albo kiraŭnictva takoj arhanizacyjaj albo jaje častkaj ci ŭvachodziačymi u jaje strukturnymi padraździaleńniami (č. 1 art. 290-4);
- arhanizacyja dziejnaści arhanizacyi, jakaja ŭ adpaviednaści z zakanadaŭstvam Respubliki Biełaruś pryznanaja terarystyčnaj (č. 1 art. 290-5);
- učynienyja paŭtorna abo hrupaj asob pa papiaredniaj zmovie niezakonnyja vyrab, nabyćcio, pieradača ŭ vałodańnie, zbyt, zachoŭvańnie, pieravozka, pierasyłka abo našeńnie pradmietaŭ, paražalnaje dziejańnie jakich zasnavana na vykarystańni haručych rečyvaŭ (č. 2 art. 295-3);
- viarboŭka, inšaje ŭciahvańnie asoby ŭ ekstremisckuju dziejnaść, navučańnie, a roŭna inšaje sadziejničańnie ekstremisckaj dziejnaści; tyja ž dziejańni, učynienyja paŭtorna, albo hrupaj asob pa papiaredniaj zmovie, albo słužbovaj asobaj z vykarystańniem svaich słužbovych paŭnamoctvaŭ (č.1, 2 art. 361-4).
Byłoha vajskoŭca, 62-hadovaha Vitala Paciechina, siłaviki ličać vykanaŭcam ataki dronaŭ na bazu AMAP va Uruččy vosieńniu 2021 hoda. Jaho, jak i Kułažanku, abvinavačvajuć pa č. 3 art. 289, č. 1 art. 14, č. 3 art. 289; č. 2 art. 295-3. Akramia taho, jamu zakidajucca:
- udzieł u arhanizacyi, stvoranaj dla ažyćciaŭleńnia terarystyčnaj dziejnaści (č. 2 art. 290-4);
- udzieł u dziejnaści arhanizacyi, jakaja ŭ adpaviednaści z zakanadaŭstvam Respubliki Biełaruś pryznana terarystyčnaj (č. 2 art. 290-5).
Zhodna z treciaj častkaj artykuła 289 KK ab ździajśnieńni teraktu mužčynam pahražaje pakarańnie až da śmiarotnaha pakarańnia.
Śpiecvytvorčaść u dačynieńni da eks-siłavikoŭ pačali 31 lipienia 2024 hoda. Abodvum mužčynam «nieabchodna źjavicca pa adrasie: h.Minsk, vuł. Sapioraŭ, 7».
Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie
Aktyvistu Juryju Ščučko zavočna dali piać hadoŭ
Zaviali śpiecvytvorčaść na Uładzimira Ramanienku
Kiraŭnik SK: Śpiecvytvorčaść zaviedzienaja na 108 čałaviek