U adnym hniaździe ŭ Mazyry naličyli ažno 6 busłoŭ. Heta vielmi redki vypadak
Žurnalisty «Anłajniera» niadaŭna jeździli ŭ kamandziroŭku ŭ Mazyr i na adnoj z haradskich vulic ubačyli niezvyčajnuju karcinu. U vialikim hniaździe na padpiłavanym drevie stajali piać busłoŭ, jašče adzin pryziamliŭsia na najbližejšy lichtar. Fatahrafii pakazali arnitołahu Siamionu Levamu i spytalisia, ci ciahnie takaja buślinaja siamja na rekord.
01.08.2024 / 21:56
Pa słovach ekśpierta, u hetym hniaździe znachodziacca piać buślaniat. Toj, što staić na lichtary, — darosły. Maładych ptušak vydajuć ciomna-buryja dziuby.
«Zvyčajna ŭ hniaździe busłoŭ možna ŭbačyć pa dva-try ptušaniaty, piać — redka, šeść — vyklučnaja źjava».
Pładavitaść ptuški zaležyć ad kolkaści ježy ŭ kankretnym rehijonie. Ciapier busłoŭ bolš za ŭsio ŭ rajonie zakaźnika «Siaredniaja Prypiać», — dadaje śpiecyjalist.
«Akieła pramachnuŭsia». U siecivie zavirusiłasia paciešnaje VIDEA, jak brescki kot palavaŭ na busła
U čornych busłoŭ u Biełarusi stała vyvodzicca bolš ptušaniat. U čym pryčyna?
U Hłybockim rajonie busieł zabłytaŭsia va ŭłasnym hniaździe. Daviałosia vyklikać MNS
Sotni busłoŭ sabralisia na adnym poli la Hrodna FOTAFAKT
Pad Minskam busieł kupaŭsia ŭ voziery razam ź ludźmi VIDEA