Pucin asabista sustreŭ svaich vyzvalenych ahientaŭ u maskoŭskim aeraporcie
Sustreču ahientaŭ Rasii na Zachadzie, na jakich siońnia abmianiali źniavolenych u rasijskich turmach zamiežnych hramadzian i klučavych apazicyjanieraŭ, abstavili ŭ maskoŭskim aeraporcie «Unukava» ź vialikaj pyšnaściu. Kala trapa samalota ich sustrakaŭ sam Uładzimir Pucin.
01.08.2024 / 22:47
Skrynšot ź videa
Akramia Pucina, u aeraport pryjechali taksama kiraŭnik FSB Alaksandr Bortnikaŭ, kiraŭnik Słužby źniešniaj raźviedki Siarhiej Naryškin i ministr abarony Andrej Biełavusaŭ.
Dla sustrečy abmienienych ahientaŭ vyścielili čyrvonuju darožku i vystraili hanarovuju vartu.
Vinšujučy ahientaŭ, siarod jakich i kiler Vadzim Krasikaŭ, ź viartańniem na radzimu, Pucin zajaviŭ, što «radzima pra ich nie zabyvała ni na chvilinu». Tym, chto nasiŭ pahony, jon padziakavaŭ «za viernaść prysiazie» i zajaviŭ pra namier pradstavić ich da dziaržaŭnych uznaharod.
Kali b Navalny byŭ žyvy, jon byŭ by siarod abmienienych — Bieły dom
Łukašenka zasłužyŭ padziaku ad Pucina
Źjaviłasia rasijskaje VIDEA, jak źniavolenych viazuć na abmien
Abmien źniavolenymi zaviaršyŭsia, u im uziali ŭdzieł 26 čałaviek