U 41 hod pamior načalnik režymnaha adździeła kałonii ŭ Oršy
Alaksandr Radkievič usiu karjeru pravioŭ u sistemie Departamienta vykanańnia pakarańniaŭ (DVP).
02.08.2024 / 10:16
Stała viadoma pra śmierć adnaho z kiraŭnikoŭ kałonii №8 u Oršy. Majoru Alaksandru Radkieviču byŭ 41 hod.
Usiu milicejskuju karjeru jon pravioŭ u sistemie Departamienta vykanańnia pakarańniaŭ (DVP). Spačatku byŭ načalnikam atrada ŭ kałonii №8 u Oršy. Paśla pierajšoŭ va ŭpraŭleńnie DVP pa Viciebskaj vobłaści, pracavaŭ tam staršym apierupaŭnavažanym adździeła apieratyŭna-režymnaj pracy. I ŭrešcie viarnuŭsia ŭ kałoniju №8 — načalnikam režymnaha adździeła.
Režymny adździeł vyznačaje, što «možna», a što «nielha» źniavolenym. Vyrašaje, ci možna addavać ludziam listy, ci prapuskać tyja ci inšyja knihi. Składaje akty za ŭjaŭnyja ci realnyja parušeńni.
U kałonii ŭ Oršy ŭtrymlivajucca jak minimum dziesiać palitźniavolenych — Andrej Burak, Viačasłaŭ Trafimuk, Dźmitryj Bondaraŭ, Dźmitryj Harbunoŭ, Dźmitryj Suščyk, Illa Dubski, Pavieł Sava, Siarhiej Hlebka, Siarhiej Maŭšuk, Uładzimir Kobryniec.