Dačka emihrantaŭ ź Biełarusi stała alimpijskaj čempijonkaj u fiechtavańni na rapirach u składzie zbornaj ZŠA
Heta druhaja Alimpijada 30-hadovaj amierykanki Žaklin Dubrovič, piša Radyjo Svaboda.
02.08.2024 / 12:14
Žaklin Dubrovič na fota źleva. Fota: Andrew Medichini / AP
U kamandnym zaliku Žaklin Dubrovič razam z tryma svaimi kalehami ŭ zbornaj ZŠA atrymała tytuł alimpijskaj čempijonki pa fiechtavańni na rapirach.
Jak paviedamlajecca na aficyjnym sajcie Alimpijady-2024, u finale zbornaja ZŠA pieramahła kamandu Italii ź likam 45:39. U indyvidualnym zaliku Žaklin zaniała 18 miesca.
Žaklin Dubrovič žyvie ŭ Mejpłvud, štat Ńju-Džersi. Jana zakončyła Kałumbijski ŭniviersitet u 2016 hodzie, dzie vyvučała rasijskuju litaraturu. Jaje baćki emihravali ź Biełarusi ŭ kancy 1980-ch.
Na Alimpijskich hulniach — 2020 u Tokia, što pravodzili ŭ 2021 hodzie praz epidemiju karanavirusa, jana taksama vystupała za zbornuju ZŠA. Tady ŭ indyvidualnym zaliku jana zaniała 21-je miesca paśla parazy ŭ pieršym bai z roźnicaj u adzin punkt. U kamandnym zaliku ZŠA prajhrali Francyi ŭ matčy za bronzu i apynulisia pa-za pjedestałam.
«Biez advahi, upartaści i achviarnaści maich baćkoŭ ničoha hetaha nie było b mahčyma», — napisała Žaklin na svajoj staroncy ŭ Instagram, kali prajšła kvalifikacyju na Alimpijskija hulni ŭ Tokia.
«Maje baćki emihravali ŭ hetuju krainu z Savieckaha Sajuza, kab atrymać lepšy šaniec na žyćcio dla svaich dziaciej, i ja viedaju, što jany navat u samych śmiełych marach nie mahli sabie ŭjavić, što ich dzicia budzie pradstaŭlać Złučanyja Štaty Amieryki na Alimpijskich hulniach», — napisała Žaklin.
Siońnia ŭ biełarusaŭ ažno try šancy na miedali na Alimpijadzie
Turecki strałok prasłaviŭsia na Alimpijadzie i staŭ hierojem miemaŭ