20-hadovaha chłopca sa zbornaj pa sudamadelnym sporcie asudzili za «zakliki da sankcyjaŭ». Pahražała da 12 hadoŭ
Asudzili Alaksieju Mazuku bolš za dva tydni tamu, ale jaho asoba stała viadomaja tolki ciapier.
03.08.2024 / 09:00
Alaksiej Mazuka. Fota ź jahonaha fejsbuku
Alaksieju Mazuka 20 hadoŭ. Jon minčuk. Raniej chłopiec zachaplaŭsia sudamadelnym sportam i navat byŭ u reziervie biełaruskaj zbornaj Biełarusi. Taksama jon słuchaŭ pank-rok i cikaviŭsia estetykaj hetaj subkultury.
Data zatrymańnia chłopca nieviadomaja, ale adbyłosia heta, chutčej za ŭsio, u 2024-m hodzie.
Sud nad Alaksiejem adbyŭsia 15 lipienia ŭ Minskim haradskim sudzie. Jaho vinavacili ŭ «zaklikach da sankcyjaŭ» (č. 3 art. 361 KK). Imavierna, sprava ŭ jaho kamientarach u telehramie, a akaŭnt Alaksieja byŭ zusim nieabaronieny i pryviazany da ŭłasnaha numara. Chłopcu pahražała ad 4 da 12 hadoŭ kałonii. Prysud nieviadomy.
Sudziła Mazuku sudździa Alena Ananič, jakaja raniej asudziła šmat viadomych palitviaźniaŭ na vialikija terminy. Adna z apošnich paciarpiełych ad jaje dziejańniaŭ — nastaŭnica 23-j himnazii Darja Chmialnickaja, jakaja atrymała piać z pałovaj hadoŭ źniavoleńnia za danaty.
Ja vydaliŭ Telegram-akaŭnt. Ja ŭ biaśpiecy?
Rabotnicy suda pahražaje da 12 hadoŭ za «zakliki da sankcyj i abrazu Łukašenki»
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć