U Mazyry paśla daždžu razvaliłasia leśvica, jakaja złučaje dva rajony. Hod tamu jaje ramantavali
Leśvica na adnym z padjomaŭ u Mazyry, jakaja złučaje vulicy Krupskaj i Nahornuju, «papłyła» paśla daždžoŭ. Fota apublikavali miascovyja pabliki, zaŭvažyŭ «Fłahštok».
02.08.2024 / 16:54
Fota: instagram.com/mozyrforum
U abmierkavańni miascovyja žychary havorać pra toje, što hetaja leśvica złučaje dva davoli vialikija rajony:
«Narod karystajecca hetaj leśvicaj amal 40 hadoŭ, pryčym aktyŭna. Tut užo možna było b tramvaj zapuścić, ale nie da ziamnoha… Pry Savieckim Sajuzie biudžetu chapiła, kab zrabić ludziam leśvicu».
Akazałasia, što złamanuju ciapier z-za razmytaha hruntu leśvicu apošni raz ramantavali mienš za hod tamu:
«Miarkujučy pa vyšyni prystupak, lapili chutka — voś vynik».
Fota: instagram.com/mozyrforum
Sapraŭdy, u mazyrskaj rajoncy «Fłahštok» znajšoŭ publikacyju z zahałoŭkam «Ramont leśvicy idzie pa płanie». U kancy žniŭnia 2023 hoda tuju ž samuju leśvicu, jakaja tady čarhovy raz razvaliłasia paśla zalevy, papraŭlaŭ rajžyłkamhas.
Ramont leśvicy ŭ žniŭni 2023 hoda. Fota: «Žyćcio Paleśsia»
Tady paviedamlałasia, što «vykananyja raboty pa ramoncie łatka, jaki budzie źbirać usie liŭnievyja vody sa schiłu i nie davać im razmyvać katłavan».
Taksama kamunalniki abiacali, što ŭmacujuć padmurak, stvorać novuju apałubku i zaljuć bietonam leśvičnyja maršy.
Łukašenka na 20-y dzień paśla ŭrahanu prylacieŭ u Mazyrski rajon
U adnym hniaździe ŭ Mazyry naličyli ažno 6 busłoŭ. Heta vielmi redki vypadak