Łatuška: My vystupajem za toje, kab na vybarach hałasavać suprać usich
«Hałasavańnie suprać usich nie pryviadzie da administracyjnaj ci kryminalnaj adkaznaści», — upeŭnieny kiraŭnik Narodnaha antykryzisnaha ŭpraŭleńnie.
03.08.2024 / 13:17
Pavieł Łatuška. Fota: Naša Niva
Pavieł Łatuška zaklikaŭ na nastupnym prezidenckich vybarach u Biełarusi hałasavać suprać usich. Pra heta jon zajaviŭ u Vilni padčas kanfierencyi «Novaja Biełaruś».
My pavinny dakazać usim, što 2020 hod nie byŭ vypadkovym. Jany chočuć dakazać advarotnaje — što Łukašenka znoŭ maje padtrymku. Naša zadača — dakazać, što biełaruskaje hramadstva ŭžo nikoli nie padtrymaje Łukašenku. Bajkot — heta toj mietad, jaki vielmi patrebny režymu i adpaviadaje jaho intaresam. Cišynia padčas elektaralnych kampanij źjaŭlajecca dla režymu samym lepšym padarunkam, jaki my možam zrabić. Tamu my nie pavinny dazvolić im pravieści vybary spakojna.
My pavinny vyjści za jadro. Za apošnija hady źjavilisia 300-500 tysiač maładych ludziej, jakija nikoli nie brali ŭdzieł u vybarach. I nam treba dajści da ich z palityčnaj paviestkaj. Nam treba raskałoć toje jadro, jakoje nie hatovaje nas padtrymać, ale dumaje, ci padtrymać Łkkašenku. Nam treba źviarnuć uvahu, što hałasavać za złačyncu — heta šlach u nikudy, šlach da zdrady i zdačy dziaržaŭnaści.
My vystupajem za palityzacyju, ale biaśpiečnuju palityzacyju — kab hałasavać «suprać usich». Jano nie pryviadzie da administratyŭnaj ci kryminalnaj adkaznaści.
«Ja staŭlu pierad saboj pytańnie, a moža staŭlu pierad usimi. Ci hatovy my admovicca ad dziejnaści, ci hatovy my skazać, usio, usio skončana, my stanovimsia na kaleni pierad Łukašenkam, prosim prabačeńnia. Ja, Pavieł Łatuška, nikoli heta nie zrablu. Ja budu praciahvać zmahacca. Ja zaklikaju ŭsich praciahvać zmahacca», — skazaŭ jon.
Prezidenckija vybary ŭ Biełarusi ŭ nastupnym hodzie pavinny prajści zhodna z Kanstytucyjaj nie paźniej za 20 lipienia 2025 hoda. Falsifikacyja papiarednich vybaraŭ u 2020 hodzie pryviała da masavych pratestaŭ, što doŭžylisia niekalki miesiacaŭ.
U Vilni startavała kanfierencyja «Novaja Biełaruś»
Cichanoŭskaja: My nie viedali pra abmien źniavolenymi i nie ŭdzielničali ŭ pracesie