Zamiest Sachaščyka ŭ Abjadnanym pierachodnym kabiniecie ciapier budzie Kabančuk
Pryznačanyja novyja ludzi na pasady pradstaŭnikoŭ Abjadnanaha pierachodnaha kabinieta zamiest Valeryja Sachaščyka i Valeryja Kavaleŭskaha, jakija niadaŭna zajavili pra pakidańnie svaich pasad. Ale proźviščy hetych novych ludziej taksama vielmi dobra viadomyja.
03.08.2024 / 18:53
Novy pradstaŭnik pa abaronie i nacyjanalnaj biaśpiecy Vadzim Kabančuk
Na pasadu pradstaŭnika pa abaronie i nacyjanalnaj biaśpiecy pryznačany Vadzim Kabančuk, były namieśnik kamandzira Pałka imia Kastusia Kalinoŭskaha. Jon zamienić na hetaj pasadzie Valeryja Sachaščyka.
Zamiest Valera Kavaleŭskaha pradstaŭnikom pa mižnarodnym supracoŭnictvie i jeŭrapiejskaj intehracyi budzie Uładzimir Astapienka.
Akramia taho, pradstaŭnictva pa moładzievaj palitycy, jakoje stvarajecca ŭ Abjadnanym pierachodnym kabiniecie, uznačalić Marharyta Vorychava. Dahetul jana zajmała pasadu daradcy pa moładzievaj palitycy i studenctvie ŭ Ofisie Śviatłany Cichanoŭskaj.
Pradstaŭnica Kabinieta pa sacyjalnaj palitycy Volha Harbunova zachavała svaju pasadu.
Urešcie, na pasadu namieśnika pradstaŭnika pa tranzicie ŭłady Śviatłanaj Cichanoŭskaj uzhodnieny Arciom Bruchan. Pasadu pradstaŭnika pa tranzicie ŭłady zajmaje Pavieł Łatuška.
Biełarus pryjšoŭ na kanfierencyju Novaj Biełarusi ź jarkim manikiuram u padtrymku Kamały Charys FOTY
Jahoraŭ prapanuje pryznać lehitymnaść Łukašenki, kali heta dazvolić vyzvalić palitviaźniaŭ
Łatuška: My vystupajem za toje, kab na vybarach hałasavać suprać usich
U Vilni startavała kanfierencyja «Novaja Biełaruś»
Cichanoŭskaja: My nie viedali pra abmien źniavolenymi i nie ŭdzielničali ŭ pracesie