Izrail hatovy pieršym nanieści rakietny ŭdar pa Iranie
Pakul ža ŭ Tel-Avivie nie viedajuć, čaho čakać ad Irana i jaho sajuźnikaŭ u rehijonie, i tamu abmiarkoŭvajuć «šyroki śpiektr varyjantaŭ» adkazu na mahčymuju ataku.
05.08.2024 / 08:44
Ilustracyjnaje fota. Fatima Shbair / AP
Izrail razhladaje mahčymaść pieršym udaryć pa Iranie, jaki moža atakavać izrailskuju terytoryju dronami i rakietami paśla hibieli palityčnaha lidara CHAMAS Ismaiła Chanii. Hetaje pytańnie abmiarkoŭvałasia na naradzie premjer-ministra Izraila Bińjamina Nietańjachu z kiraŭnictvam armii i śpiecsłužbami ŭviečary 4 žniŭnia, piša Moscow Times.
U pryvatnaści, na naradzie prysutničali ministr abarony Joaŭ Hałant, načalnik Hienštaba izrailskaj armii Hiercy Chalevi, kiraŭnik raźviedki «Masad» David Barnea i kiraŭnik Słužby ahulnaj biaśpieki (kontrraźviedka) Ronien Bar.
Jak piša Ynet, było pryniata rašeńnie, što Izrail pieršym udaryć pa Iranie, ale tolki kali ŭ Tel-Aviva buduć raźviedźviestki, jakija dakazvajuć niepaźbiežnaść napadu z boku Tehierana. Pry hetym metaj takoha ŭdaru budzie strymlivańnie Tehierana ad dalejšaj eskałacyi.
Pakul ža ŭ Tel-Avivie nie viedajuć, čaho čakać ad Irana i jaho sajuźnikaŭ u rehijonie, i tamu abmiarkoŭvajuć «šyroki śpiektr varyjantaŭ» adkazu na mahčymuju ataku abo mier dla jaje praduchileńnia, raspaviali infarmavanyja krynicy The Times of Israel.
Pa danych NBC, kiraŭnictva Izraila rychtujecca da šmatdzionnaj ataki, z dapamohaj jakoj Iran pasprabuje vymatać Tel-Aviŭ.
Na hetym fonie izrailskaja słužba biaśpieki (ŠABAK) padrychtavała padziemny bunkier u Jerusalimie, dzie budzie chavacca najvyšejšaje palityčnaje kiraŭnictva krainy ŭ vypadku pačatku vajny, piša Walla.
Miž tym ZŠA ličać, što ataka na Izrail pačniecca ŭ paniadziełak, 5 žniŭnia.
«Chiezbała» naniesła ŭdar dziasiatkami rakiet pa poŭnačy Izraila
Iran paabiacaŭ adpomścić za zabojstva kiraŭnika CHAMAS «u zručny čas i naležnym miescy»
Viarchoŭny lidar Irana zahadaŭ udaryć pa Izraili