Hałoŭnaha enierhietyka minskaha pradpryjemstva buduć sudzić za chabar u 1400 rubloŭ
Pavodle źviestak śledstva, jon zabiaśpiečvaŭ firmu znajomaha zamovami za ŭznaharodžańnie.
05.08.2024 / 11:59
Hałoŭnaha enierhietyka adnaho ź minskich pradpryjemstvaŭ buduć sudzić za karupcyju. Mužčyna z 2013 hoda pracavaŭ na pasadzie hałoŭnaha enierhietyka na adnym sa staličnych dziaržpradpryjemstvaŭ i źjaŭlaŭsia słužbovaj asobaj, pišuć «Minsk-Naviny».
Pa danych prakuratury, sa žniŭnia 2020 hoda pa maj 2024-ha jon paviedamlaŭ znajomamu kiraŭniku pryvatnaj kampanii ab płanavanych rabotach pa hidraŭličnych vyprabavańniach sistem aciapleńnia i ich hidrapnieŭmatyčnym pramyvańni. Za toje, što fihurant zabiaśpiečvaŭ vybar jaho firmy ŭ jakaści vykanaŭcy z nastupnym zaklučeńniem damovaŭ, toj davaŭ jamu chabary ŭ pamiery 10% ad koštu vykananych rabot.
Śledstva ličyć, što takim čynam 56-hadovy mužčyna atrymaŭ nie mienš za 1400 rubloŭ. Enierhietyka abvinavačvajuć pa dvuch artykułach ab atrymańni chabaru, jon zaklučany pad vartu.
Da kryminalnaj adkaznaści mužčyna raniej nie pryciahvaŭsia.