Ukrainski palitołah u troch słovach patłumačyŭ, jakimi bačyć biełarusaŭ
Dyrektar ukrainskaha Instytuta suśvietnaj palityki Jaŭhien Mahda daŭ svajo aznačeńnie biełaruskaj identyčnaści.
05.08.2024 / 16:57
Pra heta jon raskazaŭ na kanfierencyi «Novaja Biełaruś».
Jaŭhien Mahda źviarnuŭ uvahu, što tryjada «Armija, mova, viera», jakaja była va Ukrainie paśla «Revalucyi hodnaści» 2014 hoda, šmat u čym dapamahła ŭ 2022-m u zmahańni z rasijskaj ahresijaj.
Palitołah vykazaŭ dumku, što biełarusam, jakija znachodziacca na etapie farmiravańnia palityčnaj nacyi, taksama nieabchodna šukać toje, što ich najbolš vyznačaje. Sam ža jon dla nas bačyć tryjadu: «Mir, Jeŭropa, viedy».
Heta značyć, što biełarusaŭ mohuć usprymać jak mirnych, adukavanych jeŭrapiejcaŭ.
Jaŭhien Mahda. Fota: asabisty albom Jaŭhiena Mahdy
«Ja spadziajusia, što Ukraina i Biełaruś buduć zdolnyja nie zastavacca častkaj «tryadzinaha słavianskaha naroda», a stać zdvojenym, jak u baskietbole, antyimpierskim centram», — zaŭvažyŭ Mahda.
Jon bačyć dźvie metavyja aŭdytoryi, jakija mohuć być ahientami pieramien u našaj krainie — heta moładź i siaredni kłas.
Biełaruskuju palityku va Ukrainie farmuje daradca biez palityčnaj adkaznaści — ukrainski palitołah
Jak Ukraina vyzvalaje ź Biełarusi svaich. Tłumačeńnie ŭkrainskaha ekśpierta
Vyjšła hruntoŭnaje vydańnie «Bieł-čyrvona-bieły. Ściah — nacyja — identyčnaść»