Kryścina Cimanoŭskaja nie prabiłasia ŭ paŭfinał u biehu na 200 mietraŭ
Biełaruska, jakaja ŭ Paryžy vystupaje pad ściaham Polščy, u dadatkovym zabiehu finišavała druhoj z vynikam 23.01, piša «Trybuna».
05.08.2024 / 14:16
Siarod 24 udzielnic suciašalnaha raŭndu Cimanoŭskaja pakazała šosty čas. Dla prachodu ŭ paŭfinał joj nie chapiła dźviuch sotyja siekundy.
Učora Kryścina biehła ŭ čverćfinale i pakazała ŭ svaim zabiehu tolki piataje miesca (u paŭfinał aŭtamatyčna kvalifikavalisia try dziaŭčyny).
Adnak dla niaŭdačnikaŭ byŭ praduhledžany dadatkovy zabieh, vyjhrać jaki Cimanoŭskaja nie zdoleła.
Paŭfinały ŭ biehu na 200 mietraŭ projduć siońnia, finał — uviečary ŭ aŭtorak.
Cimanoŭskaja taksama pavinna paŭdzielničać u estafiecie 4 pa 100 mietraŭ ŭ składzie zbornaj Polščy. Finał estafiety projdzie ŭviečary ŭ piatnicu.
ZŠA vyjšli na pieršaje miesca ŭ miedalnym zaliku Alimpijady
Biełaruska finišavała 61-j u hrupavoj honcy na rovarach pa šašy
U heta składana pavieryć, ale Novak Džokavič upieršyniu ŭ karjery staŭ alimpijskim čempijonam
Kranalny momant alimpijady — handbalistka vyniesła traŭmavanuju supiernicu na rukach