Jaŭhien Załaty pryjechaŭ zabirać žonku z radzilni z alimpijskim miedalom FOTA i VIDEA
Źjaviłasia videa, jak siarebrany pryzior Alimpijady-2024 pa akademičnym viesłavańni pryjechaŭ zabirać svaju žonku z synam z radzilni ŭ Breście. Jon zrabiŭ heta adrazu paśla viartańnia z Paryža na radzimu.
05.08.2024 / 16:11
3 žniŭnia na Alimpijskich hulniach u Paryžy Jaŭhien Załaty zavajavaŭ siarebrany miedal u akademičnym viesłavańni na dystancyi 2000 mietraŭ. Biełarus pakazaŭ čas 6:42:96 i staŭ pieršym u historyi suvierennaj Biełarusi mužčynam — pryzioram Alimpijskich hulniaŭ u akademičnym viesłavańni.
A za čatyry dni da finalnaha zajezdu, 30 lipienia, žonka Jaŭhiena Ksienija naradziła ŭ bresckaj radzilni syna Marka.
Jaŭhien Załaty prylacieŭ u Biełaruś z Francyi ŭčora, a ŭžo siońnia, 5 žniŭnia, pryjechaŭ zabirać mamu z synam dachaty. Pry hetym prychapiŭšy z saboj i alimpijski miedal.
Apošnija niekalki hadoŭ Jaŭhien žyvie i trenirujecca na bazie Bresckaha abłasnoha centra alimpijskaha reziervu pa viesłavańni.
Viaślar Załaty vyjhraŭ srebra na Alimpijadzie i pieradaŭ pryvitańnie Krasnapollu
Staŭ baćkam padčas Alimpijady. Chto taki Jaŭhien Załaty — naša nadzieja ŭ viesłavańni
Biełaruski viaślar u dzień vychadu ŭ alimpijski paŭfinał staŭ baćkam