U Italii ŭ biełarusa zabrali mašynu za 35 tysiač jeŭra
U italjanskaj pravincyi Redža-nel-Emilija u 42-hadovaha biełarusa kanfiskavali aŭtamabil Toyota Rav4 Hybrid, jaki, jak miarkujecca, byŭ uhnany, a paśla niezakonna lehalizavany. Pra heta paviedamlaje vydańnie Stampa Reggiana, piša sajt «Biełaruś i mir».
05.08.2024 / 21:28
Aŭtamabil italjanskaj palicyi. Fota: palicyja Nieapala
Patrul spyniŭ mašynu ź biełaruskimi numarami ŭ rajonie ŭjezdu na płatnuju aŭtastradu A1 na 135-m kiłamietry ŭ paŭdniovym kirunku. Za rulom siadzieŭ biełarus, jaki žyvie ŭ Polščy i maje polskija pravy.
Padčas zvyčajnaj pravierki palicejskija vyjavili padazronyja anamalii ŭ numary šasi krasoviera. Farba, jakaja pakryvaje jaho, była miakkaj i lohka zdymałasia.
Dla bolš starannaha analizu kiroŭcu dastavili ŭ adździaleńnie ŭ horad Redža-nel-Emilija. U vyniku vyjaviłasia nieadpaviednaść pamiž hodam vypusku aŭtamabila i datami ŭ rehistracyjnych dakumientach. A paśla i inšyja niesupadzieńni kamplektacyi z danymi, pradstaŭlenymi vytvorcam. Tak paćvierdziłasia padazreńnie, što krasovier, mahčyma, byŭ uhnany i pierarehistravany pa padroblenych dakumientach.
Transpartny srodak koštam kala 35 tysiač jeŭra kanfiskavany dla dalejšaha rasśledavańnia z metaj vyznačyć jaho sapraŭdnaje pachodžańnie i, kali fakt kradziažu paćvierdzicca, viarnuć majomaść zakonnamu ŭładalniku.
U dačynieńni da biełarusa pačaty razhlad: buduć vyśviatlać, ci moh jon być datyčny da niezakonnaj lehalizacyi aŭto. Źmiaščać pad vartu jaho nie stali.
U Biełarusi buduć źbirać jašče adno kitajskaje aŭto — premijalnaje
Łatvija ŭsio ž budzie puskać aŭtamabili ź biełaruskimi numarami — u asobnych vypadkach
Jak machlary razvodziać biełarusaŭ na novych aŭto z Kitaja