Siłaviki zaleźli ŭ kvateru praz bałkon, kab zatrymać za pratesty maładuju paru
Blizki da HUBAZiKa kanał śćviardžaje, što maładyja ludzi admovilisia adčyniać dźviery.
06.08.2024 / 15:10
Chłopca i dziaŭčynu zatrymali za ŭdzieł u pratestach i padpiski na telehram-kanały.
U videa, jakoje apublikavaŭ blizki da siłavikoŭ kanał, vidać, jak uzbrojenyja supracoŭniki milicyi załaziać u kvateru praz bałkon. Pierad hetym siłaviki prystavili da bałkona leśvicu.
Kanał śćviardžaje, što para admoviłasia adčyniać dźviery. U jakim statusie znachodziacca zatrymanyja, nie paviedamlajecca.