Ułady Kurskaj vobłaści paviedamili ab troch źbitych dronach i zaklikali zdavać kroŭ
Siły SPA minułaj nočču źbili ŭ Kurskaj vobłaści try ŭkrainskija bieśpiłotniki, paviedamiŭ v.a. hubiernatara Alaksiej Śmirnoŭ.
07.08.2024 / 07:49
Ilustracyjnaje fota
Jon taksama napisaŭ u telehramie, što rehijon na praciahu apošnich sutak supraćstaić atakam, a ekstranyja słužby pieraviedzieny na ŭzmocnieny režym pracy, piša Bi-bi-si.
Pavodle jaho słoŭ, u pryhraničnych rajonach vobłaści miedustanovy papaŭniajuć zapasy donarskaj kryvi.
«Zdać jaje možna ŭ Kurskim abłasnym kliničnym centry pieralivańnia kryvi i na mabilnaj stancyi, jakaja budzie pracavać na Krasnaj płoščy abłasnoha centra, — dadaŭ jon. — Zaklikaju žycharoŭ nie zastavacca abyjakavymi».
Bai na miažy Sumskaj vobłaści Ukrainy i Kurskaj vobłaści Rasii pačalisia 6 žniŭnia. Pryčym mienavita na rasijskaj terytoryi.
Aficyjnych kamientaryjaŭ z boku Ukrainy nie było, a voś Rasija zajaviła, što ataka ŭkrainskich dyviersijnych hrup pačałasia a 8-j ranicy ŭ aŭtorak.
U joj nibyta brała ŭdzieł kala 300 bajcoŭ 22-j miechanizavanaj bryhady USU, jakich padtrymlivali 11 tankaŭ i zvyš 20 bajavych braniravanych mašyn.
Ukrainskija vojski atakavali Kurskuju vobłaść Rasii. Što viadoma?
USU pranikli ŭ Kurskuju vobłaść
Bieśpiłotniki atakavali Varoniež — rasijskija ŚMI