Abvinavačanaha ŭ zabojstvie biełaruski Lizy ŭ Varšavie pryznali adekvatnym i buduć sudzić
Abvinavaŭčaje zaklučeńnie pavinna być abvieščana 9 žniŭnia. Ekśpierty pryznali, što padazravany ŭ stanie śviadomaści i zdolny paŭstać pierad sudom. Pra heta «Biełsatu» raspavioŭ pres-sakratar akruhovaj prakuratury Varšavy Piotr Antoni Skiba.
07.08.2024 / 10:35
Daryjana S. viaduć adrazu paśla zatrymańnia. Fota: srodmiescie.policja.gov.pl
«Atrymana ekśpiertnaje zaklučeńnie ad psichijatraŭ, psichołaha i seksołaha, u jakim utrymlivajecca vysnova ab tym, što padazravany źjaŭlajecca ŭ stanie śviadomaści i moža prymać udzieł u dasudovym razhladzie, a taksama ŭ sudovych pasiadžeńniach.
Pry hetym ekśpierty nie staviać pad sumnieŭ jaho stan śviadomaści i nie ŭstanavili, što byŭ momant abo abmiežavańnie jaho śviadomaści. Tak što jon budzie adkazvać pierad sudom. Jon nie źjaŭlajecca psichična chvorym», — skazaŭ pres-sakratar akruhovaj prakuratury Varšavy.
25-hadovaja Liza była zhvałtavanaja i zabitaja ŭ centry Varšavy ŭ noč na 25 lutaha. U hetym abvinavačvajuć 23-hadovaha Daryjana S., jaki byŭ zatrymany nieŭzabavie paśla taho, što zdaryłasia. U jaho ŭ domie znajšli asabistyja rečy Lizy.
Pavodle papiarednich danych, napadnik prystaviŭ nož da horła Lizy, zhvałtavaŭ jaje i dušyŭ, a potym kinuŭ biez prytomnaści na ziamli. Tolki ranicaj jaje znajšli ludzi, adnak vyratavać dziaŭčynu nie ŭdałosia. Jana znachodziłasia ŭ ciažkim stanie ŭ reanimacyi, a 1 sakavika pamierła, nie prychodziačy ŭ prytomnaść.
Lizu pachavali na Paŭnočnych mohiłkach u Varšavie.
Lizu Hiercen pachavali na Paŭnočnych mohiłkach Varšavy VIDEA
«U Paryž razam z kachanym». Što napisała ŭ svaim dziońniku Liza, zabitaja ŭ Varšavie
Padazravany ŭ zabojstvie Lizy Hiercen pryznaŭ vinu
Jak budzie vyhladać pomnik na mahile biełaruski Lizy, jakuju zabili ŭ centry Varšavy FOTA