Украінская армія ўклінілася ў Курскую вобласць на глыбіню да 15 км
Z-канал «Два маёры» паведамляе, што ўкраінскія вайскоўцы, нягледзячы на інтэнсіўныя ўдары расійскіх войскаў, прысутнічаюць у 11 населеных пунктах на расійскай тэрыторыі глыбінёй 15 км.
07.08.2024 / 11:20
«Усю ноч працавала наша авіяцыя і БПЛА. Знішчалася вялікая колькасць праціўніка. Вораг на кантраляваных тэрыторыях разгортвае лагістыку, падвозіць ГЗМ і боепрыпасы. Мяркуючы па адкрытых крыніцах, рэгулярныя войскі праціўніка прысутнічаюць на глыбіні да 15 км. Шырыня фронту — 10-11 км», — піша канал.
Паводле яго інфармацыі, вечарам 6 жніўня УСУ прысутнічалі ў Любімаўцы, Абухоўцы, Пакроўскім, Тоўстым Лузе, Ніжнім Кліне, Дар'іне — усяго ў 11 населеных пунктаў.
«Прымаюцца меры па нармальным вывазе насельніцтва», — дадае канал.
Z-канал «Рыбар» піша, што ўкраінцы занялі тры населеныя пункты ў Курскай вобласці, то-бок замацаваліся там.
Уладзімір Пуцін сёння збірае Раду Бяспекі. Імаверна, Курская вобласць стане галоўнай тэмай пасяджэння.
«Гэта пасля адводу сіл Бацькі». У прарыве фронту пад Курскам Z-каналы вінавацяць Лукашэнку
Улады Курскай вобласці паведамілі аб трох збітых дронах і заклікалі здаваць кроў
Украінскія войскі атакавалі Курскую вобласць Расіі. Што вядома?
УСУ праніклі ў Курскую вобласць