U Astravieckim rajonie mužčyna prystaviŭ nož da šyi dziaŭčyny, kab jaje maci dała hrošaj na harełku
Ciapier jamu pahražaje da dziesiaci hadoŭ kałonii.
07.08.2024 / 12:16
Žychar Varnianaŭ uviečary 3 žniŭnia nanios vizit 79-hadovaj piensijaniercy. Jon paprasiŭ u žančyny hrošaj na ałkahol, ale taja admoviła.
Viaskoviec pasprabavaŭ pierakanać piensijanierku dać jamu na plašku, adnak žančyna była niepachisnaja. Tady mužčyna pierajšoŭ da ahresiŭnych dziejańniaŭ. Jon uziaŭ nož, prystaviŭ jaho da šyi dački piensijanierki i zapatrabavaŭ 100 rubloŭ.
Žančyna ryzykavać nie stała i dała ahresaru hrošy. Mužčyna ŭziaŭ z saboj nož i pajšoŭ.
Piensijanierka adrazu ž patelefanavała ŭ milicyju. Mužčynu nieŭzabavie znajšli ŭ domie adnaho z adnaviaskoŭcaŭ, hrošy i nož byli pry im. Ekśpiertyza pakazała, u vydychanym pavietry ŭ napadnika 3,1 pramile ałkaholu.
Zaraz jamu pahražaje da dziesiaci hadoŭ kałonii za vymahalnictva pad pahrozaj zabojstva abo pryčynieńnia ciažkaha cialesnaha paškodžańnia.