U Minsku z-za zalevy ŭčora znoŭ zatapiła padziemny parkinh i handlovy centr
6 žniŭnia padtapleńni naziralisia ŭ piaci rajonach stalicy.
07.08.2024 / 15:57
Foto: HAI Minska
U Minsku 6 žniŭnia vypała 23 mm apadkaŭ pry miesiačnaj normie ŭ 71 mm.
Z-za vialikaj kolkaści apadkaŭ u Kastryčnickim, Maskoŭskim, Pieršamajskim, Frunzienskim i Centralnym rajonach byli padtoplenyja dzieviać učastkaŭ daroh, handlovy centr i dvor šmatpaviarchoŭki. Akramia taho, znoŭ zatapiła padziemny parkinh, jak heta było padčas minułaj mocnaj zalevy.
MNS paviedamlaje, što nichto nie paciarpieŭ. Ratavalniki i kamunalnyja słužby pravodzili likvidacyju nastupstvaŭ padtapleńniaŭ, piša BiełTA.
Pavodle infarmacyi «Minsktransa», z-za ŭmoŭ nadvorja zafiksavanyja 14 vypadkaŭ spynieńnia ruchu hramadskaha transpartu praciahłaściu da 1 hadziny 31 chviliny. Ruch ažyćciaŭlaŭsia pa abjaznych maršrutach.
Va Uruččy praz zalevu spyniŭsia hramadski transpart
Na Minsk znoŭ abrynułasia mahutnaja zaleva FOTAFAKT
U padziemnym parkinhu ŭ Minsku patanuli 14 aŭtamabilaŭ VIDEA