U ZŠA sabaka pahryz paŭerbank i zładziŭ samy sapraŭdny pažar u pakoi — VIDEA
Dva sabaki i kot spačatku začaravana hladzieli na pažar, a potym vyrašyli źbiehčy.
07.08.2024 / 15:49
Kamiera nazirańnia zafiksavała momant, kali sabaka nienaŭmysna vyklikaŭ pažar u domie, sžavaŭšy partatyŭny paŭerbank.
Na videa, apublikavanym pažarnaj słužbaj Tałsy ŭ Akłachomie, bačna, jak dva sabaki i kot znachodzilisia ŭ haścioŭni da taho, jak z-za iskry pačaŭsia pažar, jaki raspaŭsiudziŭsia na praciahu niekalkich chvilin, piša Bi-bi-si.
Supracoŭnik adździeła hramadskaj infarmacyi pažarnaj achovy Tałsy Endzi Litł paviedamiŭ, što chatnija žyvioły źbiehli praz sabačyja dźviery, i, pavodle źviestak miascovych ŚMI, siamja taksama była evakujavanaja.