Hierasimaŭ dałažyŭ Pucinu, što prasoŭvańnie ŭkraincaŭ u Kurskaj vobłaści ŭžo spynili
Ahienctva TASS pakazała videa, jak načalnik rasijskaha Hienštaba dakładvaje Pucinu pra situacyju z ukrainskim nastupleńniem na terytoryju Kurskaj vobłaści. Razam z Pucinym dakład słuchali były ministr abarony Siarhiej Šajhu i ciapierašni Andrej Biełavusaŭ, a taksama dyrektar FSB Alaksandr Bortnikaŭ.
07.08.2024 / 17:20
Valeryj Hierasimaŭ padčas dakłada. Skrynšot ź videa
Dakład Hierasimaŭ rabiŭ dystancyjna, znachodziačysia nibyta ŭ adnym sa štaboŭ apieratyŭnaha kiravańnia niedaloka ad miesca bajavych dziejańniaŭ.
Pavodle dakładu Hierasimava, padčas adbićcia hetaj ataki nibyta zahinuli 100 ukrainskich vajskoŭcaŭ, a ahulnyja straty praciŭnika jon acaniŭ u 315 čałaviek. Usiaho ž u atacy byli, pavodle jaho, zadziejničanyja da 1000 vajskoŭcaŭ USU.
Taksama USU nibyta ŭžo stracili 54 adzinki techniki, uklučajučy siem tankaŭ.
Apieracyju Hierasimaŭ paabiacaŭ skončyć «razhromam praciŭnika i vychadam na dziaržaŭnuju miažu».
Ukrainskija ŭłady heta paviedamleńnie pakul nie kamientavali.
Ukraincy zachapili hazavymiaralnuju stancyju «Sudža», praź jakuju idzie haz va Ukrainu i Jeŭropu
Pucin nazvaŭ ataku ŭ Kurskaj vobłaści maštabnaj pravakacyjaj
Ukrainskaja armija ŭkliniłasia ŭ Kurskuju vobłaść na hłybiniu da 15 km
Ukraincy zaniali try nasielenyja punkty ŭ Kurskaj vobłaści
Ułady Kurskaj vobłaści paviedamili ab troch źbitych dronach i zaklikali zdavać kroŭ
Ukrainskija vojski atakavali Kurskuju vobłaść Rasii. Što viadoma?