Stała viadoma, jak rychtujucca da mahčymaha padychodu USU na Kurskaj AES
Rasijskaje vydańnie «Važnyje istorii» parazmaŭlała na ŭmovach ananimnaści z adnym z rabotnikaŭ Kurskaj AES, pra mahčymaść zachopu jakoj Uzbrojenymi siłami Ukrainy druhi dzień pišuć rasijskija Z-vajenkary.
07.08.2024 / 18:40
Kurskaja AES
Ciapier ukrainskija bajcy znachodziacca jašče davoli daloka, za niekalki dziasiatkaŭ kiłamietraŭ ad AES. Adnak nočču horad Kurčataŭ, dzie znachodzicca stancyja, užo atakavali bieśpiłotniki.
U toj ža čas siarod supracoŭnikaŭ Rashvardyi, jakija achoŭvajuć Kurskuju AES, zastalisia adnyja žančyny, a ŭ kiraŭnictva stancyi niama płana na vypadak udaru, havoryć krynica «Važnych istorij».
«Pancyry» pierajechali bližej da stancyi. Uvieś čas adstrelvajucca. Achova stancyi — zvyčajna praparščyki Rashvardyi. Ciapier siadziać adnyja žančyny, mabyć, mužčyn jany ŭsich sabrali, adpravili tudy», — śćviardžaje supracoŭnik AES.
Instrukcyj na vypadak ataki na stancyju supracoŭnikam nibyta nie dali, ich evakuacyja taksama nie płanujecca.
«Ja tak razumieju, što jany nie razhladajuć naohuł takoje pytańnie [mahčymaj ataki]. Kažuć, što my abaronienyja, nas abaraniajuć našy vojski. Ataki bieśpiłotnikaŭ — nierealna, my pracujem praktyčna ŭ bunkiery, u nas mietrovyja ścieny, i za dva hady vajny nivodnaja rakieta nie ŭdaryła siudy», — paviedamiła krynica.
Hierasimaŭ dałažyŭ Pucinu, što prasoŭvańnie ŭkraincaŭ u Kurskaj vobłaści ŭžo spynili
Ukraincy zachapili hazavymiaralnuju stancyju «Sudža», praź jakuju idzie haz va Ukrainu i Jeŭropu
Pucin nazvaŭ ataku ŭ Kurskaj vobłaści maštabnaj pravakacyjaj
Ukrainskaja armija ŭkliniłasia ŭ Kurskuju vobłaść na hłybiniu da 15 km