Zahinuŭ teleprapahandyst Jaŭhienij Paddubny
Pra śmierć rasijskaha prapahandysta Jaŭhienija Paddubnaha pieršym paviedamiŭ u svaim telehram-kanale deputat Dziarždumy Michaił Dzialahin. Paśla jaje paćvierdzili krynicy mnohich rasijskich kanałaŭ i ŚMI, choć aficyjnaj infarmacyi pakul niama.
07.08.2024 / 21:26
Jaŭhienij Paddubny
41-hadovy Jaŭhienij Paddubny, pracujučy va Usierasijskaj dziaržaŭnaj teleradyjokampanii (kanał «Rasija») aśviatlaŭ z punktu hledžańnia intaresaŭ Kramla praktyčna ŭsie vajennyja kanflikty, jakija Rasija niepasredna arhanizoŭvała ci ŭ jakija ŭviazvałasia pry Pucinie: napad na Hruziju ŭ 2008-m, vajna ŭ Siryi i inšyja.
Prapahandysckaje zabieśpiačeńnie vajny va Ukrainie Paddubny rabiŭ z samaha jaje pačatku, z 2014 hoda. U jaho było bolš za 700 tysiač padpisčykaŭ u telehram-kanale.
Akramia taho, jon byŭ davieranaj asobaj Uładzimira Pucina na prezidenckich vybarach u 2018 i 2024.
Za blizkaść da Kramla i prapahandysckija vysiłki Paddubny byŭ uniesieny ŭ sankcyjnyja śpisy Jeŭrasajuza, Vialikabrytanii, Aŭstralii.
Siońnia Jaŭhienij Paddubny pracavaŭ u Kurskaj vobłaści, apošniaje jahonaje videa było apublikavana ŭ 12:38.
Na hetym videa Jaŭhienij Paddubny raskazvaŭ pra fantastyčnyja straty ŭkraincaŭ — 250 zabitych i 750-1000 paranienych.
Adnak vyhladaje, što zabitym akazaŭsia jon sam. U jahony aŭtamabil nibyta trapiŭ FPV-dron.
Stała viadoma, jak rychtujucca da mahčymaha padychodu USU na Kurskaj AES