U Vienie admianili ŭsie kancerty Tejłar Śvift paśla pahrozy arhanizacyi teraktu
Adnamu z zatrymanych 19 hadoŭ, i jon prysiahnuŭ na viernaść «Isłamskaj dziaržavie».
08.08.2024 / 07:47
Tejłar Śvift na suśvietnaj premjery filma Taylor Swift: The Eras Tour. Fota: Chris Pizzello / AP
U Aŭstryi aryštavanyja dva čałavieki pa padazreńni ŭ padrychtoŭcy teraktu na kancercie śpiavački Tejłar Śvift u Vienie. Aryštavanyja mohuć być źviazanyja z terarystyčnaj hrupoŭkaj «Isłamskaja dziaržava», piša Radyjo Svaboda.
Usie try kancerty śpiavački, zapłanavanyja 8, 9 i 10 žniŭnia, admienienyja.
Adnamu z padazravanych 19 hadoŭ. Jon hramadzianin Aŭstryi. Pry pieratrusie ŭ jaho byli znojdzienyja chimičnyja rečyvy. Ich skład nie ŭdakładniajecca. Sa słoŭ kiraŭnika MUS Aŭstryi Franca Rufa, niekalki tydniaŭ tamu aŭstryjec «prysiahnuŭ na viernaść» «Isłamskaj dziaržavie». Jaho zatrymali prykładna za 75 kiłamietraŭ na paŭdniovy zachad ad Vieny.
Druhomu padazravanamu 17 hadoŭ. Jaho zatrymali ŭ Vienie. Žurnalisty nazyvajuć jaho saŭdzielnikam pieršaha zatrymanaha. Jašče troje padazravanych znachodziacca ŭ vyšuku.
Čakałasia, što na kancertach buduć prysutničać 65 tysiač hledačoŭ. Paśla admieny kancertaŭ arhanizatar šou zajaviŭ, što ŭ jaho niama inšaha vybaru zrabić tak dziela ŭsieahulnaj biaśpieki.
Tejłar Śvift znachodzicca zaraz u vialikim kancernym tury ŭ roznych krainach śvietu, jaki doŭžycca bolš za hod. Na jaje kancerty źbirajucca dziasiatki tysiač čałaviek. Zvyčajna ŭ adnym horadzie jana daje pa dva-try kancerty, a vystupy navat pravakujuć siejśmičnuju aktyŭnaść.
Niamiecki horad na čas hastrolaŭ Tejłar Śvift pierajmianujuć u Śviftkirchien
Kanfierencyju «Novaja Biełaruś» pieranosiać z Varšavy ŭ Vilniu. Pryčyna vas ździvić
Prychilniki Tejłar Śvift skałanuli Ziamlu na jaje kancercie ŭ Šatłandyi. U litaralnym sensie