Stała viadoma, čamu vyžyŭ rasijski prapahandyst Paddubny
Prapahandyst Alaksandr Koc raspavioŭ, jak vyžyŭ Jaŭhien Paddubny — imavierna, jon vypaŭ z mašyny, jakaja palacieła, pieravaročvajučysia, u kiuviet. A jahonyja paplečniki nie zaŭvažyli hetaha.
08.08.2024 / 11:16
Fota z drona-kamikadze, jaki atakavaŭ mašynu Jaŭhiena Paddubnaha. Na kadry — momant za niekalki siekund da padryvu aŭtamabila vajenkara
Alaksandr Koc u artykule ŭ «Kamsamołcy» piša, što paśla traplańnia bieśpiłotnika mašyna Paddubnaha palacieła ŭ kiuviet i zahareŭsia.
Śledam za im jechała jaho zdymačnaja hrupa — jany ŭbačyli, jak mašyna vybuchnuła, adčynili jaje dźviery — unutry ŭsio pałychała. Tyja padumali, što Paddubny nie vyžyŭ, i źjechali.
Praz heta źjavilisia pieršyja paviedamleńni, što Paddubny zahinuŭ.
Ale, imavierna, jon vypaŭ z sałona, kali mašyna kulałasia, miarkuje Koc.
Praź niekatory čas jaho, padobna, znajšła evakuacyjnaja hrupa i zaviezła ŭ balnicu.
«Apioki na śpinie, drobnyja askiepki, KT nie vyjaviła ni čerapna-mazhavoj traŭmy, ni paškodžańniaŭ unutranych orhanaŭ», — Koc apisvaje stan zdaroŭja Paddubnaha jak davoli dobry.
Prapahandyst Jaŭhien Paddubny znachodzicca ŭ ciažkim stanie
Infarmacyja pra śmierć teleprapahandysta Jaŭhiena Paddubnaha nie paćvierdziłasia