У Мінску вандалы разбурылі зону адпачынку, якую адкрылі месяц таму
Вяровачны гарадок «Космас» пацярпеў ад рук невядомых.
08.08.2024 / 13:56
Фота: Onliner
У Мінску вандалы напалі на зону адпачынку «Космас» з вяровачным гарадком, якую адкрылі ў Фрунзенскім раёне месяц таму.
Вандалы пашкодзілі ўсе зоны вяровачнага гарадка. Невядомыя разрэзалі вяроўкі: дзейнічалі мэтанакіравана, абыходзячы перашкоду за перашкодай, піша Onliner.
Прадстаўнікі «Зелянбуда» ўжо напісалі заяву ў міліцыю. Яны таксама абяцаюць аднавіць зону адпачынку ў бліжэйшы час.
Зону адпачынку адкрылі ў канцы чэрвеня паміж вуліцамі Адоеўскага і Прытыцкага. Акрамя вяровачнага гарадка там абсталявалі дзіцячыя пляцоўкі і пляцоўкі для варкаўта.